ایک روز تک بند رہنے کے بعد ترک اپوزیشن رہنما فتح اللہ گلن کی حمایت کرنے والا اخبار زمان کا دفتراتوار کو دوبارہ سے کھل گیا ہے۔ عدالتی حکم نامے کے تحت حکومت کی جانب سے عملے کی تعیناتی کے بعد زمان کے ہیڈکوارٹر میں معمول کی سرگرمیاں بحال ہو چکی ہیں۔
صدر رجب طیب ایردوآن پر کڑی تنقید کرنے والے اس اخبار کے دفتر پر گزشتہ
روز حکام نے قبضہ کر لیا تھا۔ تاحال یہ واضح نہیں کہ یہ کارروائی کس لیے کی گئی۔ ایردوآن کے سیاسی حریف فتح اللہ گلن کے ساتھ مبینہ روابط رکھنے والے اس اخبار کی بندش کے احکامات استنبول کی استغاثہ کی جانب سے جمع کرائی جانے والی درخواست پر دیے گئے تھے۔
امریکا اور یورپیی یونین کے علاوہ انسانی حقوق سے منسلک ادروں نے آزادی صحافت پر حملے کی شدید مذمت کی ہے۔